monumenta.ch > Cassiodorus > sectio > sectio 8 > bsbClm6343.38 > sectio 11 > Ezechiel, 18 > csg457.92 > sectio 19 > sectio 3 > sectio 14 > sectio 5 > sectio 25 > csg68.398 > sectio 5 > sectio 12 > sectio 55 > 8 > bnfGrec107.983 > sectio 19 > bnf17226.190 > sectio 8 > sectio 7 > sectio 13 > csg51.130 > bsbClm6343.17 > uwbM.p.th.q.1a.290 > sectio 13 > bnf10439.9 v > sectio 5 > bnf9389.225 > sectio 18 > sectio 13 > Actus, 14 > sectio 5 > sectio 15 > sectio 14 > csg51.65 > bnf17226.174 > Sapientia, 2 > sectio 3 > csg458.121 > Matthaeus, 2 > csg457.68 > sectio 16 > sectio 19 > Ioannis I, 5 > sectio > sectio 16 > csg68.400 > csg75.840 > sluMscr.Dresd.A.145.b.76 > sectio 63 > bsbClm6436.46 > csg68.402 > sectio 12 > bnf9389.239 > bkeCod.16.99r > sectio 15 > sectio 2 > bkeCod.16.98r > bsbClm6343.13 > sectio 6 > csg458.99 > sectio 10 > sectio 28 > bnf9389.300 > sectio 26 > csg458.103 > sectio 16 > sectio 31

Word Selection for Searching

Report an Error in this Sectio
Hrabanus Maurus, Martyrologium, 5, 31
II KAL. Romae nativitas Petronellae virginis, filiae sancti Petri apostoli, quam beatus apostolus, rogantibus fidelibus, a paralysi sanavit; sed statim ut surrexit sana, et ministerium explevit, iterum iussit eam ad grabatum redire. At ubi in Dei timore coepit esse perfecta, non solum ipsa salvata est, sed etiam plurimis recuperavit in melius suis orationibus sanitatem. Et quoniam nimis speciosa erat, venit ad eam Flaccus comes cum militibus ut eam sibi uxorem acciperet; cui Petronella ait: 'Ad puellam inermem cum militibus armatis venisti; si uxorem me habere vis, fac matronas virgines honestas ad me post tres dies venire, ut cum ipsis veniam ad domum tuam.' Factum est autem ut trium dierum acceptum spatium virgo sancta ieiuniis et orationibus occuparet, habens secum sanctam virginem Feliculam, collactaneam suam, in Dei timore perfectam. Tertio itaque die veniens ad eam sanctus Nicomedes presbyter, celebravit mysteria Christi; virgo autem sacratissima mox ut Christi sacramentum accepit, reclinans se in lectulum, emisit spiritum. Eodem die martyrizati sunt beatissimi martyres Cantius, Cantianus et Cantianilla, imperante Diocletiano, et regnante Domino nostro Iesu Christo.